Posible a maipatungpal ti kanayunan a photo exhibit kadagiti nagduduma nga academic institutions iti Baguio City tapno maipaayan iti impormasyon dagiti estudyante maipapan kadagiti historical sites iti siudad.
Iti panakiuman ti Bombo Raydo kenni Attorney Samuel Gallardo, photo exhibit project leader iti nailukat nga “80 and Still Free” the 80th anniversary of the Liberation of Baguio City photo and multimedia exhibit, imbinglayna nga ipadpadasda ti makikokoordinar kadagiti pagadalan iti City of Pines para iti photo exhibit.
Sigun kenni Atty.Gallardo, ti photo exhibit ket napateg nga educational tool para kadagiti estudyante gapu ta makita kadagitoy dagiti ladawan dagiti historical sites iti Baguio City kas kadagiti ladawan idi panawen ti World War 2 ken nu anya ti nagbaliwan wenno kasasaad dagitoy iti agdama.
Kabayatanna, maysa a panggep ti nasao nga exhibit a liklikan ti posible a panakalipat dagiti estudyante wenno agtutubo kadagiti sakripisyo dagiti World War Veterans ken nu anya dagiti napaspasamak kabayatan ti nasao a pagteng.//Bombo Genzel Depayso
