Nagballaag ti Department of the Interior and Local Government (DILG) ken ti Commission on Elections-Cordillera kadagiti kandidato a saanda nga aramaten dagiti barangay assembly nga agkampanya.
Sigun kenni Araceli San Jose Regional Director iti Department of the Interior and Local Government (DILG)-Cordillera, saan a maliklikan itan ti pannakaipatungpal ti barangay assembly ngem kiddawna a nasken a saanda nga itulok nga agkampanya dagiti kandidato.
Nupay kasta, inaklonda nga adda ti kurang dagiti polisiya wenno pagalagadan dagiti barangay officials rason a pangpanggepen dagitoy a mangipatungpal iti conference tapno agsusurot ken agpapada dagiti pagalagadan.
Kabayatanna, impetteng met ni Atty. Juluis Torres a nu man saan a maliklikan wenno ipapilit dagiti kandidato nga agbalin kas guest speaker wenno agkampanya no adda dagiti barangay assembly ti kasayaatan nga aramiden dagitoy ket iti kanito a malpas dagitoy nga agsao ket urayenda a pumanaw dagiti kandidato sakbayda nga irugi wenno ituloy manen ti barangay assembly.
No man napilit dagitoy ket nasaysayaat nga ayaban amin dagiti kandidato nangruna dagiti kalaban dagitoy tapno aggigiddanda nga agkampanya tapno maliklikan a maibaga a bias dagitoy.//via Bombo Noveh Organo
