--Ads--
BAGUIO CITY – Impanamnama ti Benguet Provincial Veterinary Office nga awan paylaeng iti nakastrek ng African Swine Fever iti probinsia.
Sigun kenni Provincial Veterinarian Dr. Miriam Tiongan, nainget ti panagwanawanda kadagiti taraken a baboy ken karne ti baboy a mailaklako iti merkado.
Impasigradona a naipasidong dagiti karne iti nainget nga inspeksion nangruna dagiti sumsumrek a karne iti probinsia.
Dinakamatna pay nga awan iti epekto ti sakit ti baboy kadagiti tao gaputa daytoy ket sakit laeng dagiti baboy isut gapuna nga awan iti nasken a pagdanagan dagiti umili sadiay. (-with Bombo Brigitte Marcasi)
