Impasigurado ti Department of Migrant Workers (DMW) ti kaskenan a tulong a maipaay kenni Mary Jane Veloso ken iti pamilyana iti kanito a maiyakar daytoy iti Pilipinas manipud sadiay Indonesia.
Daytoy ket kasaruno ti panagkumpirmar ni President Ferdinand Marcos Jr., nga inaprobaran ti Indonesian government ti pannakaisublina iti pagilian tapno ditoyna nga ituloy nga ti pannakaibaludna.
Sigun kenni Secretary Hans Leo Cacdac, immunan metlaeng a nangipaay dagitoy iti financial assistance iti pamilya ni Veloso ken impasiguradona pay a nakasagana dagitoy a mangipaay metlaeng iti kaskenan a tulong kadakuada.
Kabayatnna, maipalagip nga idi 2010 ket naarestar ni Veloso gapu iti kaso daytoy a drug trafficking nu sadino, nabayagen a kidkiddawen ti Pilipinas ti panakaisubli daytoy iti pagilian a Pilipinas.
