BAGUIO CITY – Ngimmato iti 32% ti kaso ti dengue iti siyudad ti Baguio iti napalabas a tallo a lawas ita a tawen.
Sigun kenni Dr. Celia Flor Brillantes, dadaulo ti City Health Services Office, naka-alerto ti amin a barangay iti siyudad ken mangisaysayangkatda kadagiti Denguerra Activities.
Malaksid iti dayta, maal-allukoy metlaeng dagiti barangay officials a mangisayangkatda ti clean-up drive tunggal tallo nga aldaw.
Iti agdama, nakailista ti siudad ti 511 a kaso ti dengue iti umuna a quarter iti agdama a tawen nu sadino ti kaadduan a kaso ket manipod iti bulan ti Mayo ken Hunyo.
Karaman kadagiti mabambantayan a barangay ket Irisan, Bakakeng, Asin road, Pacdal ken Santo Tomas nga addaan ti nasurok a lima a kaso ti dengue.
Nupay kasta, awan pay ti clustering dagiti kaso ti dengue iti siudad.
