--Ads--
Inwaragawag ti Department of Agriculture idi kalman nga awan pay ti kaso ti foot and mouth disease kadagiti ayup iti pagilian a Pilipinas.
Nu pay kasta, kinuna ni Agriculture Assistant Secretary Dante Palabrica a nakasagana ti nasao nga ahensia a mangipaay ti aksion apaman nga adda dagiti maipadamag a kaso ti nasao sakit.
Innayun ni Palabrica, a nangbukelda ti technical working group a mangmonitor iti nasao nga isyu.
Malaksid iti dayta, manamnama a sumangpet iti pagilian dagiti bakuna kontra iti foot and mouth disease inton Hunio iti agdama a tawen.
Iti agdama, naireport dagiti kaso ti foot and mouth disease iti pagilian nga India, Vietnam, Thailand, ken Indonesia.
