--Ads--
BAGUIO CITY – Agtultuloy ti imbestigasyon ti Baguio City Police Office maipapan iti pannakatakaw kadagiti nagduduma ken nginginaen a cellphone idiay Session Road, Baguio City idi Abril 4.
Iti interview ti Bombo Radyo kenni PMaj. Harriet Bulcio, Information Officer ti Baguio City Police Office, saanda nga agsardeng a mangbiruk ken mangbigbig kadagiti tallo agingga uppat a suspek a nangserrek iti cellphone shop.
Impaganetgetna met ti kinapateg ken dakkel a tulong ti pannaka-install kadagiti Close Circuit Televisions (CCTV) kadagiti establishimento ken pasdek tapno adda a makatulong iti imbestigasyon kadagiti saan a manamnama a pasamak wenno insidente ti krimen, ken para iti pannakabigbig dagiti suspek.//Bombo Jez Lapizar
