Umaaw-awat iti ado a reaksyon ti kaudian a segment show ni Karen Davila.
Daytoy ket gapu iti misinformation maipapan kadagiti Igorot nu sadino kinuna ni Glenda dela Cruz, maysa nga entrepreneur kabayatan ti panagtourda iti pagtaenganna a dagiti Bulul a nakadisplay ket inaramid dagiti aetas nga agnanaed idiay Itogon.
Gapu iti dayta, ado a pablaak ti inaramid dagiti netizens nangruna dagiti taga-Benguet tapno ipakaamoda a saan nga aeta ti awag kadagiti agnanaed iti nasao a lugar wenno probinsya nu diket Igorot.
Malaksid iti dayta, ti Bulul ket saan a fertility god nu diket mabigbigbig kas rice gods wenno harvest gods kasta met a daytoy a banag ket kadawyan a manipud Ifugao ken saan nga iti Benguet.
Nu pay kasta, adda met dagiti modern version ti Bulul nga inaramid dagiti bin-ig iti Benguet.
Sigun kadagiti vloggers iti probinsiya ti Benguet, nasken ti panagresearch kadagiti bambanag nangruna nu maipatangatang daytoy iti national television.
