Mapadpadaanan ti kaunaan a kombat taekwondo professional event a maangay iti Baguio City Convention Center inton Abril kwatro, iti agdama a tawen.
Iti pannakiuman ti Bombo Radyo kenni Christian David Alacar, member/organizer ti Kombat Taekwondo Philippine Open, kinunana a daytoy ket mixed kombat taekwondo ken mixed martial arts no sadino daytoy nga aktibidad ti kaunaan a maangay iti Pilipinas.
Sigun kenkuana, 9 fights ti naituding nga agbabalubal iti daytoy no sadino kaadduan kadagiti makilaban ket manipud metlaeng iti siudad.
Naituding met a makalaban dagitoy dagiti fighters manipud Malaysia, Brazil ken Singapore.
Kinunana a napili a pakaangayan ti nasao nga aktibidad ti siudad ti Baguio gaputa daytoy metlaeng ti headquarters dagiti kombat taekwondo fighters kasta metten a ditoy nga agnanaed ti Presidente iti nasao nga ay-ayam.
Namnamaenna met a mangabak ti pambato ti Pilipinas iti daytoy.
Kagiddan dayta, al-allukuyenna ti publiko nga agbuya no sadino mabalin nga agturong dagitoy iti Baguio City Convention Center iti nasao nga aldaw agsipud ta silulukat daytoy mangrugi iti alas singko iti malem ken mabalin metlaeng a gumatang dagitoy iti tickets kadakuada.
