Agtaltalinaed a nakarekep ti Kennon Road para kadagiti motorista nga agturong ken rumwar iti siudad ti Baguio gapu iti road cut kasta metten ti kanayon a mapaspasaran a panagbayakabak ti tudo gapu iti bagyo a Gener.
Iti pannakaiuman ti Bombo Radyo kenni PCapt. Aida Esteban, Operations Officer ti Tuba Municipal Police Station, kinunana a totally closed daytoy kadagiti lugan kasta metten dagiti motorista gapu ta adda latta dagiti agtennag a bato partikular iti agdama.
Nupay mabalin a pagnaan daytoy dagiti motor, kinuna a nasaysayaat a magna dagitoy iti alternate route kas iti Marcos highway ken iti Nangalisan Road para iti seguridadda rason a totally closed daytoy para kadagiti byaheros pakairamanan dagiti residente.
Impetteng ni PCapt. Esteban, a nakaalerto dagitoy rason nga adda dagiti agbambantay, nakastandby ken agmonmonitor kadagiti motorista iti kanito a sumrekda iti nasao a kalsada.
Imbalakadna met iti publiko, a liklikan a rumwar la ketdi awan ti napateg nga aramiden para iti segurad dagitoy.
Impasiguradona pay a nakafull alert status dagitoy iti kanito a kasapulan ti tulong dagitoy.
