--Ads--
LA TRINIDAD, BENGUET – Agtultuloy a parikut ti basura idiay La Trinidad, Benguet kagiddan ti umadanin a holiday season.
Iti interview ti Bombo Radyo kenni Mayor Romeo Salda, ti kinaadu ti basura ti maysa kadagiti dakkel a parikutda iti agdama.
Gapu iti daytoy, insingasing ti lokal a gobyerno ti expansion wenno pannakapalawa pay ti solid waste idiay Alno, La Trinidad, Benguet.
Adda met dagiti maidepdeploy a bantay-basura iti tunggal barangay para iti umno a pannakaimanehar dagiti basura iti nasao a munisipyo
Kabayatanna, imbinglay ni Mayor Salda nga agarup P625 million ti pundo a nailatang inton sumaruno a tawen para kadagiti nagduduma a serbisyo pakairamanan ti health, social services, agriculture ken dadduma pay.//Rosemarie Bulsao
