--Ads--
BAGUIO CITY – Nasuspendir ti klase iti amin a lebel, kadagiti parapubliko ken pribado a pagadalan ditoy siudad ti Baguio inton Enero 18, aldaw ti mierkules.
Daytoy ket babaen pay laeng iti bileg ti Administrative Order No. 3 nga impaulog ni City Mayor Mauricio Domogan.
Inlawlawag ti mayor a para pay laeng daytoy iti panakaipatungpal ti street dancing ken mini-float parade dagiti kandidata ti Miss Universe a sumarungkar ditoy siudad ti Baguio iti nasao nga aldaw.
Immunan a kinuna ni Domogan a babaen iti daytoy ket maipaayan met laeng dagiti estudyante iti gundaway nga agbuya iti parada, ken saanda a masinga iti manamnama a nailet a gunay ti trapiko a mapasaran iti nasao nga aldaw.
