Temporaryo a maipaserra ti Km5, La Trinidad parking space para iti mapadpadaanan nga strawberry festival commercial trade fair.
Nangrugi ti panagserra ti nasao a parking space idi Pebrero bente dos ken mailukat daytoy iti publiko inton Marso trenta’y uno ita a tawen.
Adda metten dagiti naipasdek sadiay a nagduduma a tents ngem awan paylaeng dagiti vendors gapu ta opisyal a mangrugi ti commercial trade fair inton Marso a tres.
Ti kadawyan met a mailaklako sadiay tunggal maipatpatungpal ti strawberry festival commercial trade fair ket ti shawarma, milktea, ken dadduma pay a fastfood products.
Adda met laeng a malakod dagiti produkto a kas iti bado, chinese antiques, home accessories, ken dadduma pay.
Ngem, ti tampok a mailako ket dagiti strawberry products kas iti strawberry wine, strawberry cupcake, tanghulu, ken dadduma pay idiay municipal grounds.
