--Ads--
Manamnama a maileppas ti konstruction iti Rock shed iti Kennon Road sakbay nga aggibus ti agdama a tawen.
Sigun iti Department of Public and Highways (DPWH), ti nasao a kontruksion ket mangpribentar iti panagreggaay iti paset ti Camp 6, Tuba Benguet.
Kabayatanna, inlawlawag ni Department of Public and Highways-Cordillera director Eng. Khadaffy Tanggol a naapektaran ti pannakaileppas iti nasao a proyekto gapu kadagiti panagdalapos dagiti bagyo iti rehion.
Nupay kasta, iyunay-unay ni Tanggol nga awan ti epekto dagiti dimmalapos a bagyo a Kristine ken Leon iti konstruksion iti nasao a rock shed.
Maipalagip a naipatumpal ti nasao a proyekto idi 2023 tapno mataming dagiti panagreggaay bayat iti panagtutudo iti nasao a lugar.
