Inlaksid ni Senate President Francis Escudero ti kinuna ni sigud a president Rodrigo Duterte nga immado ti krimen iti pagilian iti agdama.
Sigun kenni Escudero, 60% a nangatngato ti krimen idi 2016 angingga 2018 no idilig iti kaudian a datos.
Maibasar iti crime index idi July 1, 2016 angingga April 21, 2018, dumanon iti 196,518 ti nailista a krimen bayat a dumanon iti 71,544 idi July 1, 2022 angingga April 21, 2024.
Inyunay-unay ti nasao a Senador a karaman kadagiti datos idi 2016 agginga 2022 dagiti napapatay iti administrasion ni sigud a President Duterte gapu iti Extrajudicial killings.
Impeteng ni Escudero nga insayangkatna ti panagsukimat kadagiti datos, kalpasan a kinuna dagiti resource persons iti panagdenggeg iti War on drugs a ti Duterte Administrasion ket nataltalged.
