Nakemmeg ti maysa a lalaki gapu iti maatap a panangdandanugna iti tallo a babbai a nakitana iti nagsasabali a lugar idiay Cebu City.
Ti lalaki, maatap a kagurana ti napipintas a babbai.
Sigun iti biktima, desidido daytoy a mangipila ti reklamo iti natiliw a suspek.
Kinuna dagiti otoridad nga immuna a biniktima ti suspek ti agtawen ti 33 a babai a magmagna iti alas sais trenta ti malem itay kanikadua, Hunio 9.
Saan a nagtagari ti suspek ket dagosna a siniko ti kannigid a mata ti biktima.
Simmaruno met ti nabiktima ti suspek nga agtawen ti 20 a babai a dinanugna met iti agong.
Ti maikatlo a biktima, maysa a babai nga agtawen ti 22 a dinanogna met iti kannigid a mata daytoy.
Iti impormasion manipod iti kameng ti pulisia, kangrunaan a rason ti suspek ket ti saanna kayat kadagiti napipintas a babbai gaputa agbalbalin dagitoy a peke.
Malaksid iti sugat, naaddaan pay dagitoy iti trauma gapu iti inaramid ti lalaki.
Agtultuloy met ti imbestigasion ti pulisia kasaruno ti maipila a reklamo kontra iti suspek a multiple serious physical injuries.
