--Ads--
BAGUIO CITY – Pimmusay ti maysa a lalaki kalpasan ti panakakuryentena sadiay Narra Street, Kias, Baguio City itay kanikadua.
Nabigbig daytoy a ni Nelson Meana, tubo ti Nagullian, La Union ken residente ti San Vicente, Camp 8, Baguio City.
Maibasar ti imbestigasyon ti pulisya, nakuryente ni Meana kabayatan ti panangimuntarna iti linya ti maysa a service provider iti depaar ti Narra Street ti Barangay Kias.
Kinalay-atna ti poste ti kuryente idi aksidente a nasagidna ti linya ti Benguet Electric Cooperative a nagresulta iti panakakuryentena.
Naitaray pay ti nasao nga indibidual iti paggagasan ngem naideklara a dead on arrival. (report ni Bombo Razced Pagoli)
