Inaprobaran ti City Council iti siudad ti ordinansa a pannakailaylayon iti libre nga entrance privilege iti Baguio Botanical Garden para kadagiti agindeg iti Baguio, La Trinidad, Itogon, Sablan, Tuba, ken Tublay (BLISTT) manipud Agosto 1, 2025 agingga iti Enero 31, 2026.
Daytoy nga ordinansa ket pinirmaan ni Mayor Benjamin Magalong idi Agosto 18, 2025.
Tapno magun-od ti libre a panagpasyar, masapul nga idatag dagiti residente ti BLISTT ti balido a pammaneknek ti panagnaedda kas iti ID nga inruar ti gobierno, barangay clearance, wenno aniaman a dokumento a bigbigen ti siudad a mangipakita iti address da.
Naipaay ti umuna a free access privilege iti umuna a kagudua ti tawen babaen ti dua a nagsisina nga ordinansa a nangipalubos kadagiti umili ti BLISTT a sumrek iti Botanical Garden nga awan bayadna bayat ken kalpasan ti Panagbenga Festival kas panagyaman iti suporta ken pannakipasetda iti piesta.
Inrekomendar ni City Environment and Parks Management Officer Rhenan Diwas ti pannakapalawa kalpasan a napaliiwna a ti umuna a free access program ket saan laeng a nangpapigsa iti grassroots connection no di ket nangparang-ay pay iti visitor turnout, a dagiti umili ket nangiyeg kadagiti kabagian ken gagayyem manipud iti ruar ti BLISTT.
Maiparparrangarang iti report na a ti revenue ket ngimmato nu idilig iti naglabas a tawen a pammaneknek a ti polisia ket suportadona ti turismo ken ti local engagement.
