Manarimaan ti panakaaramid ti five-storey market building idiay Paoay, Atok, Benguet a manamnama nga agserbi kas one-stop commercial center a mangitandudo kadagiti micro-small ken medium enterprises.
Sigun kenni Atok Mayor Franklin Smith, daytoy a commercial center ket isu ti pakailakoan dagiti local products a maidiaya kadagiti turista nangruna ta pagaammo ti nasao a municipyo a pagturturongan dagiti turista.
Iti nasao a pasdek, agserbi kas parking area ti umuna ken maika-dua a kadsaaran bayat nga agserbi kas commercial center ti maikatlo ken maikapat a kadsaaran ken agbalin kas multi-purpose gym ti maika-lima a kadsaaran.
Innayonna nakaaladan ti P15-million manipud iti pondo dagitoy tapno marugian ti nasao a pasdek.
Kabayatanna, kasapulan pay ti kanayonan a pondo para iti dagus a panakaaramid ti market building nga agbalor ti P120-million.
