BAGUIO CITY – Isagsaganan ti entrepreneur nga sponsor iti Longgest Longganisa ti longganisa a maiparada inton sumaruno a bulan kas paset ti panakarambak ti maika-15 a Hotel, Restaurant and Tourism (HRT) Weekend ditoy siyudad ti Baguio.
Sigun kenni Vondalyn Alabanza, nangrugidan nga agaramid ti longganisa para iti aktibidad.
Kinunana a panggepda a dumanon iti 7.6 kilometers ti kaatiddog ti longganisa nga aramidenda a bukbukklen ti nasurok 15,000 a dosena.
Innayonna nga agaramat daytoy iti 3,000 a kilo a taba ken lasag ti baboy, 300 a kilo ti bawang, nasurok 262 a kilo ti dry spices ken nasurok 71 a kilo ti wet spices.
Kinuna pay ni Alabanza nga agaramidda iti kanayunan a 1,000 a dosena a longganisa kas reserba a maaramat iti kanito a saan a dumanon iti 7.6 kilometers ti kaatidog ti 15,000 a dosena ti longganisa.
Maiparada dagiti longganisa sadiay Session Road intun Oktubre 6 kabayatan iti panaglukat ti Tourism Week a pasetan ti Hotel and Restaurant Association of Baguio ken ti lokal a gobierno ti siudad. (-with Bombo Charles Nikko Limon)
