BAGUIO CITY- Manarimaan ti imbestigasyon dagiti otoridad iti rason ti mapapati a panagkettel iti bukod a biag wenno suicide ti duwa nga estudyante nga agnanaed ditoy Baguio City itay laeng nabiit.
Nabigbig dagitoy a Patrick Angelo Gonzales Oreta, 26 anyos a tubo ti Nueva Ecija ken ni Arjay Caluza Madayag, 31 anyos, maysa nga tattoo artist ken agpada dagitoy nga baru ken estudyante iti Baguio City.
Maibasar iti report, nangipatulod ni Gonzales ti maysa nga suicide note iti inana sakbay ti mapapati a panag-suicide dagitoy.
Nupay kasta, nasarakan ti maysa a residente nga magmagnna iti kalsada, ti bangkay ni Gonzales sadiay Sitio Ubbog, Yagyagan, Tuba, Benguet idi agsapa ti May 28, 2022 ken addaan daytoy ti tama ti bala.
Kabayatanna, nangipatulod met ni Madayag ti video iti sigud a live-in parterna mainaig iti panggepna nga agkettel ti bukodna a biag sakbay metlaeng ti mapapati a panag-suicide na.
Kalpasanna, nasarakan met ti maysa kadagiti kaboard mate-na ti bangkay ni Madayag iti first floor ti boarding house dagitoy partikular iti agdan idi malem kalman, May 29, 2022 .
