--Ads--
BAGUIO CITY – Im-imbestigaran ita ti pulisya ti maatap a panakatakaw ti P840-K a kwarta manipud iti maysa a paggasolinaan iti Baguio City idi kalman.
Maibasar iti report ti pulisya, simrek dagiti saan pay a nabigbig a suspek iti opisina ti gasoline station.
Nagna dagitoy iti sliding window glass iti umuna a kadsaaran ti pasdek sakbayda a nagturong iti basement.
Dinadael dagiti suspek ti padlock ti hanging wooden cabinet ken sadiay nga inalada ti agarup P840-K a cash.
Inaramat dagiti suspek ti kapada a tawa iti panaglibas dagitoy.
Improseso metten ti pulisya ti crime scene bayat a mareview ti video footages a naala dagiti CCTV cameras a naimuntar iti asideg ti paggasolinaan.
