Naituding a maisayangkat ti maika-28th a mass wedding iti siudad ti Baguio inton Setyembre baente singko, iti agdama a tawen.
Idauluan daytoy ti City Social Welfare and Development Office kagiddan ti pannakaobserbar ti 2024 National Filipino Family Week Celebration.
Gapu iti daytoy, maal-allukoy dagiti couples nga agtarigagay a makipaset iti daytoy.
Adda met dagiti sumagmamano a qualifications para iti daytoy, kas kadagiti couples nga agkabkabalay iti uneg ti lima a tawen ken agpada nga above 25 years old.
Malaksid iti dayta, dagiti agaplikar iti daytoy ket dagiti pamilya a karaman iti low income families, ken residente iti siudad ti Baguio.
Kabayatanna, adda met dagiti requirements iti daytoy, kas ti Affidavit of cohabitation manipud iti Public Attorney’s Office wenno aniaman a legal officer, Community tax certificate (CEDULA) wenno aniaman a valid government issued ID, Philippine Statistics Authority (PSA), Certificate of No Marriage (CENOMAR) ken dadduma pay.
