Dumanon iti 24 a kandidato manipod iti nagduduma a pagilian iti sangalubungan ti simmangpet iti pagilian para iti Man of the World pageant.
Idi laeng kanikadwa, June 9, 2022, pormal a naiparang iti publiko dagiti 24 a kandidato iti nasao a pageant para kadagiti lallaki nga addaan iti tag line a “Masculinity with Responsibility”.
Maipalagip a ti rehiyon Cordillera ti agserbi kas opisyal a host para iti preliminary events ken World Finals ti nasao a pageant.
Maibasar iti report, sumarungkar dagiti kandidato iti probinsya ti Kalinga inton June 13 ken 14.
Inton Hunyo 13, sumarungkar dagiti kandidato ken Apo Whang-od sadiay Tinglayan Kalinga bayat nga inton Hunyo 14 ket naituding nga agturungda sadiay Luna, Apayao para iti charity day, swimwear shoot, ken swimsuit competition.
Kabayatanna, inton Hunyo 11 ket naituding ti bahag competition nu sadino maitampok dagiti innem a klase ti Cordilleran Bahag a mangireprepresentar iti Abra, Apayao, Benguet, Ifugao, Kalinga, ken Mt. Province sadiay Okada Manila.
Maipatungpal met ti grand coronation night inton June 18 iti Baguio Convention Center.
