Naisalakan ti maysa a maladaga manipod iti tiyan ti maysa a Palestinian a napapatay kaduana ti asawa ken anakna a babai gapu iti panagraut ti Israel iti Gaza City idiay Rafah.
Ti maladaga ket agdagsen ti 1.4 kg ken dagos a naiturong iti emergency C-section.
Sigun iti doktor a ni Mohammed Salama, natalged ti kasasaad ti ubing ken in-inot a sumaysayaat daytoy.
Ti nanang ti maladaga a ni Sabreen Al-Sakani ket tallo pulo a lawas a masikog.
Iti agdama, naikabil ti maladaga iti maysa nga incubator iti maysa a pag-agasan sadiay Rafah a kaduana ti sabali pay a maladaga nga addaan ti nakasurat nga “Anak ti martir a ni Sabreen Al-Sakani” a naisurat iti tape ti barukong daytoy.
Maibasar iti datos, sangapulo ket siam ti napapatay iti maysa laeng a rabii gapu iti nainget a panangibales ti Israel kontra iti nasao a lugar.
Dagiti pimmusay manipod iti dua a balay ket pakairamanan ti sangapulo ket tallo nga ubbing manipod iti maysa laeng a pamilya.
