CORDILLERA REGION – Parikot ti Commission on Elections-Cordillera ti mapukpukaw nga interes dagiti agtutubo iti eleksion.
Iti pannakiuman ti Bombo Radyo kenni Atty. Julius Torres, Regional Director ti Commission on Elections-Cordillera, kinunana a naobserbranda a mapukpukaw ti interes dagiti agtutubo.
Gapu iti dayta, immadu dagiti nabakantian a posision ti Sangguniang Kabataan (SK) iti siudad ti Baguio ken rehion Cordillera.
Innaklon metlaeng ni Atty. Torres a saan laeng a ti rehion ti adu dagiti awanan ti SK no diket, iti intero metlaeng a pagilian.
Sigun iti nasao nga abogado, social media ti maysa a rason a maaw-awan ti interes dagiti agtutubo iti eleksion.
Gapu iti dayta, ar-aramiden ti Commission on Elections (COMELEC) ti panagregget tapno maipakaammo kadagiti agtutubo ti kinapateg ti pannakipasetda iti eleksion ken panagserbi iti gobierno.//mp4
