Pimmusay ti maysa a lalaki gapu iti pannakatnag ti bato kenkuana idiay 798 Meter Level, Production Line 21 ken 22, Dog hole, South block, Philex Mines, Camp 3, Tuba, Benguet itay laeng kanikadua.
Ti biktima key nabigbig kas singkwentay dos anyos a lalaki, minero ti maysa a mining corporation, naasawaan, tubo ti Davao de Oro ken residente ti Palawan, Philex Mines, Tuba, Benguet.
Maibasar iti imbestigasyon, idis-dislodge wenno iyal-alis ti kadua ti biktima ti maysa a boulder, maysa a machine nu pay kasta nabannug daytoy rason nga impasublatna daytoy iti biktima
Ngem, kalpasan ti manu a minutos, nag-collapse ti boulder a nangitunda ti pannakatnag ti biktima.
Dagus nga inispal dagiti kakadua ti biktima daytoy manipod iti pannakagaburna iti bato ken intarayda daytoy iti ospital ngem naideklara a dead on arrival daytoy.
Kabayatanna, kinuna ti maysa a kameng ti Tuba Municipal Police Station a naipasardeng pay laeng ti operasyon iti lugar ken manarimaan ti conference dagiti kameng ti mining corporation maipapan iti sumaruno nga aksyonda iti nasao a banag.//Bombo Jez Lapizar
