--Ads--
Nakemmeg ti maysa maysa a construction worker a lalaki nga agtawen ti 48 kalpasan a nagpaputok ti paltog iti Rimando Street Brgy. ABCR, Baguio City.
Napasamak ti insidente iti 1:30 pm idi kalman idi nakangngeg dagiti residente iti lugar ti panagputok ti paltog.
Iti inisial nga imbestigasion dagiti pulis, nagpaputok ti suspek gapu iti saan pay a maamuan a rason.
Naala kenkuana ti maysa nga improvised shotgun, maysa a revolver ken dagiti bala.
Awan met ti naipadamag a nadangran iti nasao a pammaltog.
Agtultuloy paylaeng ti imbestigasion ti Baguio City Police Office nu adda ti linensia dagiti naala a paltog manipod kenkuana.
