![](https://img.bomboradyo.com/baguio/2021/08/tamesis-buy-bust.jpg)
BAGUIO CITY – Natiliw ti maysa a drug personality kalpasan a nagpositibo ti naipatungpal a search warrant iti pagtaenganna sadiay Purok 3, Alfonso Tabora, Baguio City itay nabiit.
Nabigbig daytoy a ni Manuel Garcia Tamesis, 42-anyos, baro, awanan trabaho ken maysa kadagiti high value target iti regional watchlist ti otoridad.
Kabayatan ti panakaiserbi ti search warrant ket nakumpiskar ti dua a pakate ti maatap a shabu nga agdagsen ti agarup nasurok 5.5 a gramo ken aggatad ti nasurok P37,000.
Nakumpiskar pay ti maysa a bassit a botelya a naglaon ti maatap a liquid meth ken maysa a plastic container a naglaon ti siyam a tableta a maatap nga ecstacy.
Nasarakan metlaeng iti pagtaengan ni Tamesis ti nagduduma a drug paraphernalia.
Iti agdama, sumangsangon daytoy iti kaso a panaglabsing iti Comprehensive Dangerous Drugs Act of 2002.