An-anupen ita dagiti maseknan nga otoridad ti masya a suspek a nakalibas, iti checkpoint sadiay Amdalao, Guina-ang, Pasil Kalinga itay nabiit.
Sigun kadagiti otoridad, imbati ti suspek ti nagluganan daytoy a motorsiklo, maysa a bag, maysa nga Optiorime white sack, maysa a black XRM 125, blue raincoat ken dadduma pay sadiay Sitio Pokcha, Cagaluan, Pasil kalpasan a naamuanna ti checkpoint sadiay Amdalao.
Naglaun ti nasao a bag iti sangapullo ket maysa ti mapapati a dried marijuana bricks, nga agdagsen iti agarup sangapulo ket maysa a kilo ken addaan iti market value nga agarup P1 Million.
Iti agdama, adda itan iti Pasil Municipal Police Station dagiti nakumpiskar nga ebidensia sakbay a maipatulod iti Kalinga Provincial Forensic Unit para iti umno a disposision.
