--Ads--
HONGKONG- Kinumpirmar dagiti pulis a pimmusay ti maysa a Pilipina kalpasan a nalmes daytoy iti Deepwater Bay idiay Hongkong idi laeng kanikadua.
Dagus a naiturong daytoy iti Ruttonjee Hospital idiay Wanchai ngem naideklara metlaeng a pimmusay daytoy.
Maibasar iti imbestigasyon dagiti pulis maatap nga aksidente a nalmes ti biktima apaman nga aglanglangoy dagitoy iti nasao a baybay.
Mapapati met a maysa daytoy a domestic helper sadiay ken residente idiay Mallig, Isabela.
Sigun iti kadua daytoy, napalabas ti maysa nga oras sakbay a narescue ti biktima rason a saan a nakalasat daytoy.
Iti agdama, saan payaleng a nakumpirmar ti iksakto a rason ti ipupusay daytoy.//Rose
