PHILIPPINES – Kinondinar ti White House ti nagsasaruno a panangraut dagiti rebelde a Houthi kadagiti cargo ship idi napalabas a lawas.
Nu sadino daytoy nga aramid ket aramid ti terorismo.
Sigun kenni John Kirby, panakangiwat ti National Security Council, pimmusay ti maysa a Pilipino a seaman a nakalugan iti M/V Tutor, maysa a Liberian-flagged, Greek-owned ship nga awan ti pakainaiganna iti panagsusupiat idiay Gaza.
Nagsagrap ti nasao a barko ti nakaro a panakalayos ken naabandonar daytoy.
Malaksid iti dayta, natalged ti kasasaad ken nakasangpeten iti pagilian a Pilipinas ti dua pulo ket maysa (21) a Filipino crewmen a nakalugan metlaeng iti M/V Tutor a niraut ti Houthi.
Kabayatanna, kinondinar met ti Pilipinas ti kaudian a panangraut bayat a nakiddaw kadagiti miyembro ti United Nations ti panakasalaknib dagiti karbengan dagiti marino partikular iti taaw a paset ti Red Sea ken ti Gulf of Aden.
