BAGUIO CITY – Imawat iti house and lot ti Class Valedictorian ti PMA Bagsik Diwa Class of 2022 a ni Ensign Krystlenn Ivany Quemado manipod Koronadal City iti naangay nga graduation ceremony itag agsapa.
Ti nasao nga Certificate ti house and lot ket inyawat mismo ni Presidente Rodrigo Duterte kenni Cadet Quemado kas top cadet ti Class of 2022.
Malaksid iti nasao nga pammigbig, inawat pay ni ni Ensign Quemadao ti Academic Group Award, Department of Humanities Plaque, Department of Management Plaque, Department of Social Sciences Plaque, Department of Leadership Plaque, Navy Professional Courses Plaque, Joint United States Military Advisory Group Award, Association of Generals and Flag Officers Award, Spanish Armed Forces Award ken Australian Defence Best Overall Performance Award.
Iti valedictory message ni ni Ensign Quemado, ginuyuguyna dagiti padana nga agtutubo a makitinnulong ken sumuporta iti addang ti gobierno para iti pagimbagan ti pagilian.
Impeksana pay ti dakkel nga papel ken akem dagiti agtutubo iti pagilian.
Mangnamnama pay daytoy nga iti panagruarna iti akademya ket ibagi dagiti kapada a nagturpos ita nga aldaw ti umno nga mensahe ti core values ti akademya nga Courage, Integrity ken Loyalty.CD
