Kinumpirmar ti Philippine Consulate General (PCG) sadiay Hong Kong a maysa nga Overseas Filipino Workers ti pimmusay Kasaruno ti uram iti high-rise buildings sadiay Hong Kong.
Sigun kadakuada, ti nasao a Filipina ket pimmusay gapu iti Tai Po fire incident.
Gapu iti dayta, inyebkas ti Consulate General ti panakipagladingitda kadagiti pamilya, gagayyem ti nasao a Filipina.
Immunan metten a binisita ni Department of Migrant Workers Secretary Hans Leo Cacdac and Overseas Workers Welfare Administration Administrator PY Caunan ti pamilya ti Overseas Filipino Workers.
Impasigurado met ni Cacdac ti kaskenan a tulong iti pamilya daytoy.
Impasigurado-da pay ti tulong iti a10-anyos nga anakna agingga a makaturpos daytoy iti panagadal.
Maipalagip a karaman daytoy kadagiti 23 a Filipino a naireport a naapektaran iti uram sadiay Hong Kong.
