--Ads--
BAGUIO CITY – Nagsagrap ti ado a sugat ti maysa nga ubing a lalaki kalpasan a nadungpar ti tricycle ti naglugananna a toy car sadiay Bontoc, Mountain Province itay nabiit.
Ti biktima ket agtawen iti dua ken residente iti nasao metlaeng a lugar.
Dagus met a natulongan ken naipaayan ti medical assistance ti nasao a biktima.
Agpapaimbag daytoy iti ospital bayat nga am-ammoen paylaeng dagiti otoridad ti sitwasyon ti driver nu mapilaan daytoy ti reklamo.
Nagpalagip met dagiti otoridad kadagiti motorista nga agannad iti panagmaneho ken dagiti nagannak a bantayanda dagiti anakda nangruna iti ruar ti pagtaengan.
