--Ads--
BAGUIO CITY – Natiliw ti maysa a minero kalpasan a nagpositibo ti naisayangkat a search warrant iti pagtaenganna sadiay Kias, Baguio City.
Nabigbig daytoy a ni Kurt Dailay, 35-anyos, tubo ti Mountain Province ken agnanaed sadiay Purok 5, Kias, Baguio City.
Nakumpiskar iti pagtaenganna ti siyam a pakete ti maatap a shabu nga agdagsen ti dua a gramo ken sumagmamano a drug paraphernalia.
Kinuna dagiti otoridad a naipasidong iti nainget ken naunday a surveillance ti amin nga aktibidad ni Dailay manipud nakaawatda ti impormasyon nga adda pakainaigan daytoy iti ilegal a droga.
Iti agdama, naibaluden ni Dailay gapu iti kaso a panaglabsing iti Comprehensive Dangerous Drugs Act of 2002.
