APAYAO – Pimmusay ti maysa a miyembro ti CPP-NPA iti engkwentro a napasamak iti nagbaetan ti 17th Infantry Battalion idiay Flora, Apayao idi Oktubre 20, iti agdama a tawen.
Nabigbig daytoy a ni Roger Antonio alyas “Bernard”.
Maibasar iti report, nakaawat dagiti kameng ti kapulisan ti impormasyon manipud iti concerned citizen maipapan iti presensiya ti Communist Terrorist Group (CTG) iti paset ti Barangay Upper Atok, Flora, Apayao.
Dagus a nagresponde ti puersa ti gobyerno nu sadino naduktalanda ti agarup siyam a miyembro ti Komiteng Probinsya (KOMPROB) Cagayan, Komiteng Rehiyon Cagayan Valley (KRCV) nga idadauloan ni Edgar Bautista alyas Simoy.
Kalpasan ti nasurok lima a minuto nga engkwentro, pinanawan dagiti NPA ti kaduada nga awanan biag.
Narekober ti maysa nga M16 rifle nga addaan ti M203 grenade launcher, walo a pidaso ti 40MM a bala, maysa a jungle pack, maysa a commercial radio, dua nga improvised flashlight, medical paraphernalia ken daduma pay a personal a kagawaan.
