BAGUIO CITY – Nabigbig dagiti awardees iti Road Beautification Program ti Benguet kagiddan iti panangrambak ti 120th Foundation Anniversary ti probinsia idi kalman.
Nangabak kas first place ti municipio ti Atok ken nakaiyawid daytoy iti P35,000 bayat a nagbalin ti Kibungan kas 2nd placer a nakaawat iti P30,000 ken naipaima iti munisipyo ti Buguias iti 3rd place a 25,000 pesos
Kabayatanna, nakaawat met ti municipio ti Tublay, Kabayan, Sablan, Kapangan, Bakun, Tuba ken La Trinidad ti consolation price a P20,000.
Puntirya ti nasao a programa a mangguyugoy kadagiti municipio iti panagdalus ken panangpapintasda kadagiti igid ti kalsada iti masakupanda.
Immunan a nagbalin a simple laeng ti panangrambak ti probinsia ti Benguet iti maika-120th foundation anniversary dagitoy ngem pinasetan latta daytoy dagiti nagduduma a mayor ken delegates manipod kadagiti sangapulo ket tallo a municipyo kasta metten dagiti board members ti Sangguniang Panlalawigan ken daduma pay nga empleado ti capitolyo.
