BAGUIO CITY – Impasidong ti Commission on Elections (Comelec) ti munisipyo ti Pilar sadiay Abra iti red category maysa a lawas kalpasan ti shooting incident a nagresulta iti ipupusay ti maysa a body guard ni Pilar Vice Mayor Jaja Josefina Somera Disono.
Sigun ken Commissioner Aimee Ferolino, chairperson ti Comelec Committee on the Ban on Firearms and Security Concerns (CBFSC), maipasidong pay ti red category ti nasao a munsipyo iti probinsa ti Abra kabayatan iti panangberibikarda kadagiti reports mainaig iti nasao nga insidente
Maipalagip a sigud nga adda iti orange classification ti nasao a probinsya
Nupay kasta, kinuna ni Ferolino a ti desisyonda a panangipasidong ti probinsya iti red category ket maibasar kadagiti formal reports manipod kadagiti deputies a nakatutuk iti seguridad, linak ken kapya ti lugar
Dinakamatna a manarimaan ita iti beripikasyon nga ar aramidenda kadagiti reports a naawatda
Innayunna a naituding paylaeng a mangiruwarda iti desisyon nu maipasidong ti nasao a lugar iti COMELEC Control
