Nakaawis ti atension ti nagan ti engineering examinee manipod iti pribado a unibersidad idiay Jaro, Iloilo City a napanaganan iti maysa a bersikulo ti Biblia.
Itay laeng nabiit, impablaak ti College of Engineering iti Central Philippine University ti listaan ti room assignments para kadagiti studiante a manamnama a mangala iti engineering exam-na para iti School Year 2024-2025.
Naipatungpal ti examination idi June 22 iti pasdek ti College of Engineering.
Karaman kadagiti nagan ti examinee ket ti studiante iti numero 13 a naidestino iti Room En404 a masarakan iti maikapat a kadsaaran.
Ti umuna a nagan ti examinee ket John 3:16.
Iti relihion a Kristianismo, John 3:16 ket bersikulo ti Biblia a mangibagbaga maipapan iti panangted ti Dios iti lubong iti anakna, ni Jesus, gapu iti ayat.
Mabasa daytoy iti English a: “For God so loved the world, that he gave his only Son, that whoever believes in him should not perish but have eternal life.”
Gapu iti dayta, adu a tattao ti nagkomento apaman a nai-post ti nasao a listaan ti ti room assignments.
Adtoy dagiti sumagmamano kadagiti nagkomento;
“Grabeng backer ng number 13, o.”
“Grabe ‘yung number 13, si Lord ang backer.”
“‘Wag, pre, susumbong kita kay, For God so loved the world, that he gave his only begotten Son, that whosoever believeth in him should not perish, but have everlasting life.”
“What is your name? For God so loved the world, that he gave his only begotten Son, that whosoever believeth in him should not perish, but have everlasting life. In short, John 3:16.”
