BAGUIO CITY – Maipasidong iti parent academy dagiti nagannak iti siyudad ti Baguio tapno masanay dagitoy a mangisuro kadagiti annakda iti baro a wagas iti panagadal.
Ipatungpal daytoy ti Department of Education- Baguio Division wenno Dep ED- Baguio.
Sigun kenni DepEd Baguio Senior Education Program Specialist Elaine Cabuag, babaen iti parent academy ket masuruan dagiti nagannak nga agbalin kas facilitator a mangbayabay kadagiti annakda kabayatan ti panagadal dagitoy.
Inlawlawagna a saan a rumbeng a dagiti nagannak ti mangsungbat kadagiti modules ken kadagiti dadduma pay nga aktibidad dagiti ubbing.
Kinunana a maipasidong iti uppat a kangrunaan nga aktibidad dagiti nagannak babaen iti panangidaulo dagiti opisyal ti parent teachers association iti siudad ti Baguio.
