BAGUIO CITY – Naprobaranen ti Republic Act 10868 wenno ti Centenarians Act of 2016 babaen kenni President Ferdinand Marcos Jr.
Iti nasao a gakat, makaawat dagiti agtawen ti 85, 90, 95 agingga 100 ti benepisyo iti tunggal lima a tawen a gap ken daytoy ket sapasap para iti amin a senior citizen.
Iti interview ti Bombo Radyo kenni Councilor Elmer Datuin, impasiguradona a maimbistigaran dagiti Senior Citizen nga umaw-awat ti dua a pension gapu ta maipawil ti nasao nga aramid.
Nupay kasta, saan pay a maipatungpal daytoy ita gapu ta adu paylaeng dagiti implementing guidelines iti Centenarians Act ngem manamnama a maipatungpal daytoy a dagus apaman a maipinal dagiti pagannurotan.
Sigun pay kenni Datuin, kangrunaan a parikut dagiti senior citizen iti agdama ti saan a panangipaay dagiti establishimento iti 20% a discount nangruna kadagiti transportation.
Gapu iti dayta, agtultuloy ti monitoring dagiti maseknan nga opisyales, store owners, drug store ken dadduma pay tapno agtultuloy a maimplementar ti 20% discount.
Malaksid iti dayta, kidkiddawen ti nasao nga opisyal kadagiti establishmento a saan kuma dagitoy nga strikto kadagiti Identification Cards dagiti Senior Citizens ken umdas kuma laeng dagiti Booklet ken dadduma nga iparang da nga ID’s la kitdi adda ti pakabigbigan a senior dagitoy.//mp4
