![](https://img.bomboradyo.com/baguio/2020/03/womens.jpg)
BAGUIO CITY – Maipatungpal ti nagduduma a programa ditoy siudad ti Baguio ita a bulan kabayatan ti pannakarambak ti National Womens Month.
Nagsapata sadiay City Hall dagiti kabarbaro nga opisiales ti Outstanding Womens Leader of the City of Baguio babaen iti panangidaulo ni Mayor Benjamin Magalong.
Napili kas presidente ti grupo ni Emerita Fuerte bayat a bise presidente ni Jennifer Mejia.
Impeksa dagiti opisial ti siudad ti panagyaman dagitoy iti dakkel a kontribusion dagiti babbai iti panagdur-as ti Baguio City.
Sigun ken ni Councilor Lilia FariƱas, maipatungpal inton Marso 17 ti maysa a symposium maipapan iti Solo Parenting.
Kinunana a maipangruna a maipaayan iti balakad dagiti solo nga inna ngem mairaman met laeng iti aktibidad dagiti solo nga ama.
Mangipatungpal met ti City Health Services Office iti libre a pap smear para kadagiti babbae.
Pasayaaten met laeng dagiti ahensia ti gobierno ti kampania kontra iti panagabuso ken kinaranggas kadagiti babbai.