Agtultuloy ti nainget a panagmonitor ken panagbantay ti kaskenan nga opisina kadagiti amin a munisipyo iti probinsya ti Benguet tapnu saan manen a mapasaran ti African Swine Fever iti nasao a probinsya.
Iti pannakiuman ti Bombo Radyo kenni Dr. Purita Lesing, dadaulo ti Benguet Provincial Veterinary Office, kinunana nga ipatpatungpalda ti checkpoints kadagiti amin nga entry points iti probinsya ti Benguet iti laksid a bimabba ti kaso ti African Swine Fever ita a tawen nu idilig idi napalpalabas a tawen.
Sigun kenni Dr. Les-ing, mangipaayda iti incentives kadagiti Barangay Biosecurity Officers iti tunggal baranggay gapu ta dagitoy ti agserserbi kas katulungan ti Benguet Provincial Office a mangipatpatungpal kadagiti biosecurity assessment iti masakupanda a baranggay.
Impeksa pay ni Dr. Les-ing a dagiti kaso ti African Swine Fever ket imported wenno nagtaud kadagiti sabali a lugar.
Kabayatanna, awan ti nairekord a kaso ti African Swine Fever iti nasao a probinsya nangrugi idi bulan ti Agosto.
Maipalagip a ti maudi a nakailistaan ti probinsya iti ASF ket iti munisipyo ti Mankayan nu sadino daytoy ti maika sangapulo ket uppat a kaso ti ASF iti probinsya ita a tawen.
