--Ads--
ABRA PROVINCE – An-anopen paylaeng dagiti maseknan nga otoridad ti posible a motibo ken ti adda iti likodan iti panakapapatay dagiti agama idiay Licuan-Baay, Abra.
Immunan a nasarakan ti bangkay da Alex ken Richard Borreta iti igid ti kalsada iti paset ti Abra-Kalinga road.
Maibasar iti inisyal nga imbestigasyon, naduktalan ti tama ti paltog ken sugat iti tengnged dagitoy.
Nakatape pay ti ngiwat ti anak a biktima.
Malaksid iti dayta, narekober dagiti otoridad ti uppat a basyo ti bala manipud iti nagduduma a paltog iti nasao a lugar.
Sigun iti asawa ken nanang dagiti biktima, nagpakada a rumuar laeng dagiti agama ngem saanda a nagsubli.
