Agtaltalinaed a parikut ti Baguio Land Transportation, Licensing Office ti naladaw a panagparehistro ken panagrenew iti driver’s liscense dagitoy.
Sigun ken Licensing Officer in Charge Arturo Galvan, adu ti naurnong a lisensiya a saan a narenew ken nairehistro gapu iti pandemya.
nupay kasta, kinunana a makapaspasar ti opisina dagitoy iti atidog a pila gaputa immado latta dagiti klienteda a kaadoan ket manipud iti kabangibang a probinsiya.
Inaklonna nga agkurkurang dagitoy iti empleyado a maysa a rason ti nabuntog a panaggaraw ti pila ken dumanonen laeng iti 120 nga aplikante ti mabalin a maakseptar iti maysa nga aldaw.
Gapu iti daytoy, imbilinna kadagiti aplikante nga agaramatda iti LTO online portal application tapnu naparpartak ti pannakaiproseso dagiti aplikasyon dagitoy.
