Mapapati a mangisaysayangkat ti love ken investments scam ti mapapati a pasilidad ti Philippine Offshore Gaming Operator (POGO) idiay Paranaque City, sigun iti National Bureau of Investigation (NBI).
Daytoy ket babaen iti script a masarakan kadagiti kompyuter dagiti mangmangged sadiay.
Maibasar iti rekord dagiti otoridad, dumanon iti uppat a gasut nga indibidual ti mangmangged iti pasilidad nga adda ita iti kostodia ti nasao nga ahensia.
Kaaduan kadagiti mangmangged ket Chinese, Vietnamese, Indonesian, ken Myanmar nationals.
Adda dagiti nangpadas nga aglibas ngem natiliwan ida dagiti otoridad.
Sigun kadagiti otoridad, dakkel a POGO scam hub ti naraid a kompania.
Patien dagiti otoridad nga iti laksid ti pannakaiparit ti POGO, kasla awan ti plano ti grupo a mangpasardeng iti operasionda.
Iti agdama, maipasidongda iti proceeding babaen ti BI bayat a maeksamen ken masukimat dagiti selpon ken computer dagitoy.
