BAGUIO CITY – Dumanon iti nasurok 50 indibidual ken establisiemento ti inaldaw a masitsitar dagiti otoridad mainaig iti anti smoking ordinance ditoy syudad ti Baguio.
Sigun kenni Daryll Longid, Deputy Chief ti Public Order and Safery Division (POSD), inaldaw a makasitsitar dagitoy iti nasurok 50 nga indibidual ken stablishment a dagus a maipapaayan iti notice of violation ken nasken nga agbayad dagitoy iti multa iti las od ti lima nga aldaw.
Nupay kasta, kinunana a nababbaba ti nasao a bilang no idilig iti bilang dagiti aglablabsing iti Anti-Smoking Ordinance ti siudad kadagiti napalabas.
Sigun met kenni Catherin Toyeng, Communications Officer ti Smoke Free Baguio, daytoy ket kagiddan ti nainget a pannakaipatungpal ti ordinansa babaen iti tulong dagiti babbarangay
Maibasar iti rekord, manipod tawen 2018 agingga 2020, dimmanon iti 3, 288 nga indibidual ti namulta gapu iti panaglabsing iti nasao nga ordinansa bayat a 1,194 met ti establishyemento ti naduktalan a mangilaklako latta iti sigarilyo.
