--Ads--
BAGUIO CIYTY – Nakemmeg ti 23-anyos a lalaki, No. 2 Top Most Wanted Person iti Station Level gapu iti nainget a kampanya ti Baguio City Police Office tapno mapagtalinaed ti kinatalged dagiti umili ti siudad.
Ti suspek ket maysa a construction worker a residente ti Purok 1, Brgy. Padre Burgos, Baguio City.
Natiliw daytoy gapu iti panaglabsingna iti Section 5 ti Republic Act 9262 wenno Violence Against Women and their Children.
Narekomendaran ti suspek ti P40,000 a piyansa para iti temporaryo a pannakawaya-wayana.
Iti agdama, imet ti Baguio City Police Office – Police Station 8 ti suspek para iti umno a dokumentasyon sakbay a maipaima iti kaskenan a korte.
