--Ads--
Indeklara ni President Ferdinand Marcos Jr., ti November 4, kas Day of National Mourning para kadagiti biktima a naapektaran iti naipigsa a panagbayakabak ti tudo nga intunda ti Severe Tropical Storm Kristine.
Iti Proclamation No. 728, naideklara ti nasao nga aldaw kas pannakipagladingit kadagiti pamilya dagiti pimmusay gapu iti nasao a bagyo.
Sigun iti Presidente, indeklarana daytoy kagiddan iti kiddaw ti intero a pagilian a pangipaay iti kararag kadagiti kararua dagiti biktima.
Gapu iti dayta, naituding a maikarga ti bandera ti Pilipinas mangrugi iti panangsingising ti init agingga iti ilelennek daytoy kadagiti amin a government buildings ken installations iti intero a Pilipinas ken kadagiti dadduma a pagilian idiay ballasiw-taaw.
